Total views : 5943832
Total views : 5943832ਬਾਰਡਰ ਨਿਊਜ ਐਕਪ੍ਰੈਸ ਦੇ ਪਾਠਕਾਂ ਨੇ
58 ਲੱਖ ਦਾ ਅੰਕੜਾ ਕੀਤਾ ਪਾਰ
ਅੰਮ੍ਰਿਤਸਰ/ਗੁਰਨਾਮ ਸਿੰਘ ਲਾਲੀ
ਤਾਮਿਲਨਾਡੂ ਦੇ ਲੋਕ ਗੁਰੂ ਨਾਨਕ ਸਾਹਿਬ ਦੇ ਸਮੁੱਚੀ ਮਨੁੱਖਤਾ ਲਈ ਬਰਾਬਰਤਾ ਅਤੇ ਜਾਤ ਪਾਤ ਦੇ ਵਖਰੇਵੇਂ ਤੋਂ ਮੁਕਤ ਸਮਾਜ ਦੀ ਘਾੜਤ ਘੜਨ ਦੇ ਉਪਦੇਸ਼ਾਂ ਨੂੰ ਸਮੇਂ ਦਾ ਹਾਣੀ ਸਮਝਦੇ ਹਨ ।ਨਿਰਦੇਸ਼ਕ ਬਬਲ ਕਮਾਲ ਦੀ ਕ੍ਰਾਂਤੀਕਾਰੀ ਹਿੰਦੀ ਫਿਲਮ ਸ਼ੁਦਰਾ ਟੂ ਖਾਲਸਾ ਤੋਂ ਪ੍ਰਭਾਵਿਤ ਹੋ ਕੇ ਐਡਵੋਕੇਟ ਜੀਵਨ ਕੁਮਾਰ ਮੱਲਾ ਜੋ ਬਹੁਜਨ ਦ੍ਰਵਿੜ ਪਾਰਟੀ ਦੇ ਪ੍ਰਧਾਨ ਵੀ ਹਨ ਨੇ ਇਸ ਫਿਲਮ ਦੇ ਬੋਲਾਂ ਨੂੰ ਤੇਲਗੂ ਭਾਸ਼ਾ’ਚ ਤਬਦੀਲ ਕੀਤਾ ਹੈ ਅਤੇ ਆਪਣੇ ਸੂਬੇ ਦੇ ਲੋਕਾਂ ਨੂੰ ਦਿਖਾ ਰਹੇ ਹਨ।
ਉਨ੍ਹਾਂ ਦਾ ਮੰਨਣਾ ਹੈ ਗੁਰੂ ਨਾਨਕ ਸਾਹਿਬ ਦੀ ਵਿਚਾਰਧਾਰਾ ਸਮਾਜਿਕ ਸ਼ੋਸ਼ਣ ਦੇ ਖ਼ਿਲਾਫ਼ ਹੈ ਅਤੇ ਦਲਿਤਾਂ ਨੂੰ ਬਣਦਾ ਸਨਮਾਨ ਦੇੰਦੀ ਹੈ।ਜਥੇਦਾਰ ਜਗਤਾਰ ਸਿੰਘ ਹਵਾਰਾ ਕਮੇਟੀ ਦੇ ਪ੍ਰੋ.ਬਲਜਿੰਦਰ ਸਿੰਘ ਨੇ ਚਨਈ ਵਿਖੇ ਫਿਲਮ ਦੇ ਉਦਘਾਟਨ ਬਾਅਦ ਵਾਪਸ ਆਕੇ ਦੱਸਿਆ ਕਿ ਤਾਮਿਲ ਇੰਜੀਨੀਅਰ ਸਿਲਵਾ ਸਿੰਘ,ਕੋਰਕੇ ਪਲਾਨੀਸਮੀ ਸਿੰਘ,ਇਮਾਨੂੰਵੇਲ ਸਿੰਘ,ਸਿਲਮਬਰਾਸਨ ਸਿੰਘ ,ਰਾਜੀਵ ਥੌਮਸ ਸਿੱਖ ਧਰਮ ਤੋਂ ਪ੍ਰਭਾਵਿਤ ਹੋ ਕੇ ਅੰਮ੍ਰਿਤ ਛਕਣ ਲਈ ਤਿਆਰ ਹਨ।ਉਨ੍ਹਾ ਦਸਿਆ ਕਿ ਉਸ ਸੂਬੇ ਦੇ ਲੋਕਾਂ ਵਿੱਚ ਆਪਣੀ ਮਾਂ ਬੋਲੀ ਤਾਮਿਲ ਦੀ ਵਰਤੋਂ ਲਈ ਜੋ ਪਿਆਰ ਅਤੇ ਦ੍ਰਿੜਤਾ ਦੇਖਣ ਵਿੱਚ ਆਈ ਉਹ ਪੰਜਾਬੀਆਂ ਵਿੱਚ ਬਹੁਤ ਘੱਟ ਹੈ।