Total views : 5596931
Total views : 5596931ਬਾਰਡਰ ਨਿਊਜ ਐਕਪ੍ਰੈਸ ਦੇ ਪਾਠਕਾਂ ਨੇ
54 ਲੱਖ ਦਾ ਅੰਕੜਾ ਕੀਤਾ ਪਾਰ
ਜੰਡਿਆਲਾ ਗੁਰੂ / ਅਮਰਪਾਲ ਸਿੰਘ ਬੱਬੂ
ਤਹਿਸੀਲ ਬਾਬਾ ਬਕਾਲਾ ਅਧੀਨ ਪੈਂਦੇ ਪਿੰਡ ਰਜਧਾਨ ਦੇ ਪੰਜਾਬ ਪੁਲੀਸ ਸਬ ਇੰਸਪੈਕਟਰ ਮਨਜੀਤ ਸਿੰਘ ਦੀ ਧੀ ਪੰਜਾਬ ਦੀ ਜੰਮਪਲ ਮਨਵਿੰਦਰ ਕੌਰ ਬੱਲ ਨੇ ਉਚ ਵਿਦਿਆ ਹਾਸਲ ਕਰਕੇ ਫੈਡਰਰਲ ਪੁਲੀਸ ਕਨੇਡਾ ਵਿਚ ਅਧਿਕਾਰੀ ਦੇ ਤੌਰ ਤੇ ਅਹੁਦਾ ਸੰਭਾਲ ਕੇ ਆਪਣਾ ਮਾਤਾ ਪਿਤਾ ਪਿੰਡ ਅਤੇ ਇਲਾਕੇ ਦਾ ਮਾਣ ਵਧਾਇਆ । ਜਿਸ ਕਾਰਣ ਪਿੰਡ ਵਾਸੀਆਂ ਅਤੇ ਪ੍ਰਵਾਰ ਵਿਚ ਬਹੁਤ ਖੁਸ਼ੀਆਂ ਭਰਿਆ ਮਹੌਲ ਬਣ ਗਿਆ ਹੈ।ਮਨਵਿੰਦਰ ਕੌਰ ਬੱਲ ਨੇ ਮੁਢਲੀ ਵਿਦਿਆ ਦਸਵੀਂ ਕਲਾਸ ਤੱਕ ਖਾਲਸਾ ਅਕੈਡਮੀ ਮਹਿਤਾ ਵਿਚੋਂ 10 + 2 ਮਨਟੈਸਰੀ ਸਕੂਲ ਅਤੇ ਬੀ ਟੈਕ ਇੰਜੀਨੀਰਿੰਗ ਕਾਲਜ ਮਾਨਾਵਾਲਾ ਅੰਮ੍ਰਿਤਸਰ ਤੋਂ ਹਾਸਲ ਕੀਤੀ ।ਪਿਛਲੇ ਪੰਜ ਸਾਲਾ ਤੋਂ ਉਚ ਵਿਦਿਆ ਹਾਸਲ ਕਰਨ ਲਈ ਕਨੇਡਾ ਗਈ ਹੋਈ ਸੀ।
ਨਿਯੁਕਤੀ ਸਮੇਂ ਆਪਣੇ ਪਿਤਾ ਨੂੰ ਬੁਲਾ ਕੇ ਮਾਣ ਵਧਾਇਆ
ਐਮ. ਟੈਕ ਦੀ ਪੜਾਈ ਦੇ ਨਾਲ ਕਨੇਡਾ ਦੀ ਪੁਲੀਸ ਵਿਚ ਭਰਤੀ ਹੋਣ ਲਈ ਵਿਦਿਅਕ ਤੌਰ ਤੇ ਪੂਰੀ ਤਿਆਰੀ ਕੀਤੀ ਅਤੇ ਕਨੇਡਾ ਦੀ ਫੈਡਰਲ ਪੁਲੀਸ ਵਿਚ ਬਤੌਰ ਅਧਿਕਾਰੀ ਚੁਣੇ ਜਾਣ ਤੇ ਬੀਤੇ ਦਿਨ ਆਪਣੇ ਪਿਤਾ ਸਬ ਇੰਸਪੈਕਟਰ ਮਨਜੀਤ ਸਿੰਘ ਨੂੰ ਨਿਯੁਕਤੀ ਸਮੇਂ ਬੁਲਾ ਕੇ ਉਹਨਾਂ ਦਾ ਹੋਰ ਮਾਣ ਵਧਾਇਆ ।ਮਨਵਿੰਦਰ ਕੌਰ ਦੇ ਤਾਇਆ ਕੁਲਦੀਪ ਸਿੰਘ ਰਜਧਾਨ ਨੇ ਉਪਰੋਕਤ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮਨਵਿੰਦਰ ਕੌਰ ਨੇ ਪੰਜਾਬ ਦੀਆਂ ਧੀਆ ਨੂੰ ਇਕ ਮਾਡਲ ਪੇਸ਼ ਕਰਕੇ ਖਾਸ਼ ਸੁਨੇਹਾ ਦਿਤਾ ਕਿ ਧੀਆਂ ਵੀ ਉਚ ਵਿਦਿਆ ਹਾਸਲ ਕਰਕੇ ਆਪਣੇ ਮਾਤਾ ਪਿਤਾ ਇਲਾਕੇ ਅਤੇ ਦੇਸ਼ ਦਾ ਨਾਮ ਰੋਸ਼ਨ ਕਰ ਸਕਦੀਆਂ ਹਨ। ਇਸ ਪ੍ਰਾਪਤੀ ਤੇ ਸਮੁਚੇ ਪਰਿਵਾਰ ਨੂੰ ਆਪਣੀ ਧੀ ਤੇ ਮਾਣ ਮਹਿਸੂਸ ਹੋ ਰਿਹਾ ਹੈ।