ਪੁਲਿਸ ਨੇ ਸਪਾ ਕੇਂਦਰ ਦੀ ਆੜ ‘ਚ ਦੋ ਕੇਂਦਰਾਂ ‘ਤੇ ਚੱਲ ਰਹੇ ਸੈਕਸ ਰੈਕੇਟ ਦੇ ਧੰਦੇ ਦਾ ਕੀਤਾ ਪਰਦਾਫਾਸ਼

ਮਲੋਟ / ਬਾਰਡਰ ਨਿਊਜ ਸਰਵਿਸ

ਮੁਕਤਸਰ ਅਤੇ ਮਲੋਟ ਪੁਲਿਸ ਨੇ ਸਾਂਝੇ ਤੌਰ ‘ਤੇ ਮਲੋਟ ਦੇ ਸਕਾਈ ਮਾਲ ‘ਤੇ ਛਾਪਾ ਮਾਰ ਕੇ ਸਪਾ ਕੇਂਦਰ ਦੀ ਆੜ ‘ਚ ਦੋ ਕੇਂਦਰਾਂ ‘ਤੇ ਚੱਲ ਰਹੇ ਸੈਕਸ ਰੈਕੇਟ ਦੇ ਧੰਦੇ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲਿਸ ਨੇ ਮੌਕੇ ਤੋਂ 14 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਨ੍ਹਾਂ ਵਿੱਚ ਅੱਠ ਲੜਕੀਆਂ ਅਤੇ ਛੇ ਲੜਕੇ ਸ਼ਾਮਲ ਹਨ। ਦੋ ਮੁਲਜ਼ਮ ਫਰਾਰ ਹਨ। ਮਲੋਟ ਥਾਣੇ ਵਿੱਚ ਸੈਕਸ ਰੈਕੇਟ ਦੇ ਧੰਦੇ ਵਿੱਚ ਸ਼ਾਮਲ 16 ਮੁਲਜ਼ਮਾਂ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਗਈ ਹੈ। ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ।ਪੁਲਿਸ ਟੀਮ ਨੇ ਬੁੱਧਵਾਰ ਦੇਰ ਸ਼ਾਮ ਇੰਸਪੈਕਟਰ ਕੁਲਦੀਪ ਕੌਰ ਅਤੇ ਥਾਣਾ ਸਿਟੀ ਇੰਚਾਰਜ ਕਰਮਜੀਤ ਕੌਰ ਦੀ ਅਗਵਾਈ ‘ਚ ਇਹ ਕਾਰਵਾਈ ਕੀਤੀ।