11 ਅਧਿਆਪਕਾਂ ਨੂੰ ਜਲਾਲਾਬਾਦ ਤੋ ਲੈਕੇ ਖੇਮਰਕਨ ਆ ਰਹੀ ਗੱਡੀ ਉੋਪਰ ਦਰਖਤ ਡਿੱਗਣ ਨਾਲ 5 ਅਧਿਆਪਕ ਹੋਏ ਜਖਮੀ-2 ਦੀ ਹਾਲਤ ਗੰਭੀਰ

ਜਲਾਲਾਬਾਦ/ਬੀ.ਐਨ.ਈ ਬਿਊਰੋ

-ਪਿਛਲੇ ਦਿਨੀਂ ਮਾਲਵੇ ‘ਚੋਂ ਮਾਝੇ ਦੇ ਸਰਹੱਦੀ ਖ਼ੇਤਰ ‘ਚ ਸਕੂਲਾਂ ‘ਚ ਰੋਜ਼ਾਨਾ ਪੜਾਉਣ ਆ ਰਹੇ ਅਧਿਆਪਕਾਂ ਦੀ ਦੁਰਘਟਨਾ ਅਜੇ ਭੁੱਲੀ ਨਹੀਂ, ਕਿ ਅੱਜ ਸਵੇਰੇ ਜਲਾਲਾਬਾਦ ਤੋਂ ਰੋਜ਼ਾਨਾ ਦੀ ਤਰ੍ਹਾਂ ਬਲਾਕ ਖੇਮਕਰਨ ਦੇ ਵੱਖ-ਵੱਖ ਸਕੂਲਾਂ ‘ਚ ਪੜ੍ਹਾਉਣ ਲਈ ਅਧਿਆਪਕਾਂ ਨੂੰ ਲੈ ਕੇ ਆ ਰਹੀ ਇਕ ਟਰੈਕਸ ਗੱਡੀ ਹਾਦਸੇ ਦਾ ਸ਼ਿਕਾਰ ਹੋ ਗਈ ਹੈ। ਇਸ ਘਟਨਾ ਬਾਰੇ ਪਤਾ ਲੱਗਾ ਹੈ ਕਿ ਫਿਰੋਜ਼ਪੁਰ ਜ਼ਿਲ੍ਹੇ ‘ਚ ਮੇਨ ਸੜਕ ‘ਤੇ ਸਵੇਰੇ ਤੜਕੇ ਗੱਡੀ ਉਪਰ ਮੌਸਮ ਖ਼ਰਾਬੀ ਕਾਰਨ ਇਕ ਵੱਡਾ ਸਫੈਦਾ ਡਿਗ ਪਿਆ। ਗੱਡੀ ਪੂਰੀ ਤਰ੍ਹਾਂ ਨੁਕਸਾਨੀ ਗਈ, ਪਰ ਸਾਰੇ ਅਧਿਆਪਕ ਵਾਲ-ਵਾਲ ਬਚੇ ਹਨ। ਦੋ ਅਧਿਆਪਕਾਂ ਮੈਡਮ ਨੀਲਮ ਤੇ ਪਵਨ ਨੂੰ ਸੀਰੀਅਸ ਹੋਣ ਕਰਕੇ ਫ਼ਰੀਦਕੋਟ ਦਾਖ਼ਲ ਕਰਵਾਇਆ ਗਿਆ ਹੈ। ਘਟਨਾ ਦੀ  ਸੂਚਨਾ ਮਿਲਦੇ ਹੀ ਪੁਲਿਸ ਪ੍ਰਸ਼ਾਸਨ ਵੀ ਮੌਕੇ ‘ਤੇ ਪਹੁੰਚ ਗਿਆ ਹੈ।

ਇਸ ‘ਤੋਂ ਬਾਅਦ ਇਲਾਜ ਲਈ ਜ਼ਖਮੀ ਅਧਿਆਪਕਾਂ ਨੂੰ ਜਲਾਲਾਬਾਦ ਦੇ ਨੇੜਲੇ ਸਰਕਾਰੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਜਦਕਿ 2 ਅਧਿਆਪਕਾਂ ਨੂੰ ਜ਼ਿਆਦਾ ਸੱਟਾਂ ਲੱਗਣ ਕਾਰਨ ਫਰੀਦਕੋਟ ਰੈਫਰ ਕਰ ਦਿੱਤਾ ਗਿਆ ਹੈ। ਥਾਣਾ ਅਮੀਰਖਾਸ ਦੇ ਐਸ.ਐਚ.ਓ  ਚੰਦਰਸ਼ੇਖਰ ਨੇ ਦੱਸਿਆ ਕਿ ਉਕਤ ਕਰੂਜ਼ਰ ਵਿੱਚ ਕੁੱਲ 11 ਲੋਕ ਸਵਾਰ ਸਨ, ਜਿਨ੍ਹਾਂ ਵਿੱਚੋਂ 5 ਦੇ ਸੱਟਾਂ ਲੱਗੀਆਂ ਹਨ, 3 ਨੂੰ ਸਰਕਾਰੀ ਹਸਪਤਾਲ ਜਲਾਲਾਬਾਦ ਵਿੱਚ ਦਾਖਲ ਕਰਵਾਇਆ ਗਿਆ ਹੈ, ਜਦੋਂ ਕਿ ਦੋ ਅਧਿਆਪਕਾਂ ਮੈਡਮ ਨੀਲਮ ਤੇ ਪਵਨ ਨੂੰ ਸੀਰੀਅਸ ਹੋਣ ਕਰਕੇ ਫ਼ਰੀਦਕੋਟ ਦਾਖ਼ਲ ਕਰਵਾਇਆ ਗਿਆ ਹੈ। ਦੋ ਅਧਿਆਪਕਾਂ ਮੈਡਮ ਨੀਲਮ ਤੇ ਪਵਨ ਨੂੰ ਸੀਰੀਅਸ ਹੋਣ ਕਰਕੇ ਫ਼ਰੀਦਕੋਟ ਦਾਖ਼ਲ ਕਰਵਾਇਆ ਗਿਆ ਹੈ।