ਮਹਿਲਾ ਸਰਪੰਚ ਤੋ ਖੁਸਿਆ ਸਰਪੰਚੀ ਦਾ ਤਾਜ ! ਪਤੀ ਦੀ ਬੇਲੋੜੀ ਦਖਲਅੰਦਾਜੀ ਬਣੀ ਮਹਿਲਾ ਦੀ ਬਰਖਾਸਤੀ ਦਾ ਕਾਰਨ

ਲੁਧਿਆਣਾ /ਬੀ.ਐਨ.ਈ ਬਿਊਰੋ

ਪੰਜਾਬ ਦੇ ਲੁਧਿਆਣਾ ਜ਼ਿਲ੍ਹੇ ਦੇ ਸੁਧਾਰ ਬਲਾਕ ਦੇ ਪਿੰਡ ਰੱਤੋਵਾਲ ਦੀ ਮਹਿਲਾ ਸਰਪੰਚ ਨੂੰ ਉਸ ਦੇ ਪਤੀ ਵੱਲੋਂ ਕੰਮ ਵਿੱਚ ਦਖ਼ਲ ਦੇਣ ਦੀ ਸ਼ਿਕਾਇਤ ਮਿਲਣ ਮਗਰੋਂ ਬਰਖਾਸਤ ਕਰ ਦਿੱਤਾ ਗਿਆ ਹੈ। ਔਰਤ ਦੇ ਪਤੀ ਨੇ ਆਪਣੇ ਆਪ ਨੂੰ ਪਿੰਡ ਦਾ ‘ਸਰਪੰਚ’ ਦੱਸਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਤੋਂ ਇਲਾਵਾ ਸਰਕਾਰੀ ਪ੍ਰਾਜੈਕਟਾਂ ਦੇ ਉਦਘਾਟਨੀ ਪੱਥਰਾਂ ’ਤੇ ਸਰਪੰਚ ਵਜੋਂ ਆਪਣਾ ਨਾਂ ਉਕਰਿਆ ਹੋਇਆ ਸੀ।

ਮਹਿਲਾ ਸਰਪੰਚ ਦਾ ਪਤੀ ਆਪਣੇ ਆਪ ਸਰਪੰਚ ਦੱਸਕੇ ਮਹਿਲਾਵਾ ਮਿਲੇ ਅਧਿਕਾਰ ਦੀ ਕਰਦਾ ਸੀ ਦੁਰਵਰਤੋ

ਪੇਂਡੂ ਵਿਕਾਸ ਤੇ ਪੰਚਾਇਤ ਵਿਭਾਗ ਦੇ ਡਾਇਰੈਕਟਰ ਗੁਰਪ੍ਰੀਤ ਸਿੰਘ ਖਹਿਰਾ ਨੇ ਆਪਣੇ ਹੁਕਮਾਂ ਵਿੱਚ ਪਿੰਡ ਰੱਤੋਵਾਲ ਦੀ ਸਰਪੰਚ ਪਰਮਜੀਤ ਕੌਰ ਨੂੰ ਬਰਖਾਸਤ ਕਰ ਦਿੱਤਾ ਹੈ। ਡਾਇਰੈਕਟਰ ਗੁਰਪ੍ਰੀਤ ਸਿੰਘ ਨੇ ਸਰਪੰਚ ਦਾ ਬੈਂਕ ਖਾਤਾ ਵੀ ਫਰੀਜ਼ ਕਰਨ ਦੇ ਹੁਕਮ ਦਿੱਤੇ ਹਨ। ਮਹਿਲਾ ਸਰਪੰਚ ਨੂੰ ਪੰਚਾਇਤ ਦਾ ਸਾਰਾ ਰਿਕਾਰਡ, ਜਾਇਦਾਦ ਅਤੇ ਫੰਡ ਪੰਚਾਇਤ ਦੇ ਇਕ ਮੈਂਬਰ ਨੂੰ ਸੌਂਪਣ ਦੇ ਹੁਕਮ ਦਿੱਤੇ ਗਏ ਹਨ। ਜਿਸ ਦਾ ਨਾਂ ਹੋਰ ਮੈਂਬਰ ਪੰਚਾਇਤਾਂ ਵੱਲੋਂ ਫੈਸਲਾ ਲੈਣ ਵਾਲਿਆਂ ਵਜੋਂ ਤਜਵੀਜ਼ ਕੀਤਾ ਜਾਵੇਗਾ।

ਪਿੰਡ ਵਾਸੀਆਂ ਨੇ ਜਗਦੀਪ ਸਿੰਘ ਦੀ ਦਖਲ ਅੰਦਾਜ਼ੀ ਨੂੰ ਦੇਖਦਿਆਂ ਸਬੰਧਤ ਅਧਿਕਾਰੀਆਂ ਕੋਲ ਸ਼ਿਕਾਇਤ ਦਰਜ ਕਰਵਾ ਕੇ ਕਾਰਵਾਈ ਦੀ ਮੰਗ ਕੀਤੀ ਸੀ ,ਵਿਭਾਗ ਨੇ ਸਰਪੰਚ ਪਰਮਜੀਤ ਕੌਰ ਨੂੰ ਨੋਟਿਸ ਭੇਜ ਕੇ 15 ਦਿਨਾਂ ਵਿੱਚ ਜਵਾਬ ਦਾਖ਼ਲ ਕਰਨ ਲਈ ਕਿਹਾ ਸੀ। ਸਰਪੰਚ ਨੇ ਆਪਣੇ ਜਵਾਬ ਵਿੱਚ ਦੋਸ਼ਾਂ ਨੂੰ ਸਿਰੇ ਤੋਂ ਨਕਾਰਦਿਆਂ ਸ਼ਿਕਾਇਤ ਰੱਦ ਕਰਨ ਦੀ ਅਪੀਲ ਕੀਤੀ ਸੀ। ਉਸ ਨੂੰ 13 ਮਾਰਚ, 20 ਮਾਰਚ ਅਤੇ 22 ਮਾਰਚ ਨੂੰ ਅਧਿਕਾਰੀਆਂ ਸਾਹਮਣੇ ਪੇਸ਼ ਹੋਣ ਲਈ ਨੋਟਿਸ ਦਿੱਤੇ ਗਏ ਸਨ ਪਰ ਉਹ ਪੇਸ਼ ਨਹੀਂ ਹੋਈ।