Total views : 5841002
Total views : 5841002ਬਾਰਡਰ ਨਿਊਜ ਐਕਪ੍ਰੈਸ ਦੇ ਪਾਠਕਾਂ ਨੇ
57 ਲੱਖ ਦਾ ਅੰਕੜਾ ਕੀਤਾ ਪਾਰ
ਖੰਨਾ /ਬਾਰਡਰ ਨਿਊਜ ਸਰਵਿਸ
ਥਾਣਾ ਸਦਰ ਖੰਨਾ ਦੀ ਪੁਲਿਸ ਵਲੋਂ ਆਮ ਆਦਮੀ ਪਾਰਟੀ ਦੇ ਚਾਰ ਬਲਾਕ ਪ੍ਰਧਾਨਾ, ਸਟੇਟ ਸੰਯੁਕਤ ਸਕੱਤਰ ਸਮੇਤ ਆਪ ਦੇ 7 ਆਗੂਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲੀਸ ਕੋਲ ਦਰਜ ਕਰਵਾਈ ਰਿਪੋਰਟ ਅਨੁਸਾਰ ਰਿਕੀ ਮੇਕਰ ਪੁੱਤਰ ਰਾਜਿੰਦਰ ਕੁਮਾਰ ਵਾਸੀ ਮਾਤਾ ਰਾਣੀ ਮੁਹੱਲਾ ਹਾਲ ਦੁਕਾਨ ਰਿਕੀ ਮੋਬਾਈਲ ਸਟੋਰ ਮੇਨ ਬਾਜ਼ਾਰ ਖੰਨਾ ਤੇ ਪੰਕਜ ਉਰਫ ਪ੍ਰਦੀਪ ਵਾਸੀ ਬਿਲਾ ਵਾਲੀ ਛੱਪੜੀ ਹਾਲ ਦੁਕਾਨ ਪੰਕਜ ਗਾਰਮੈਂਟ ਅਤੇ ਏ ਵਨ ਗਾਰਮੈਟ ਨੇ ਦੱਸਿਆ ਕਿ ਉਹਨਾਂ ਦੀਆਂ ਬਾਜ਼ਾਰ ਵਿਚ ਉਕਤ ਦੁਕਾਨਾਂ ਹਨ।
ਉਹ ਆਪਣੀਆਂ ਦੁਕਾਨਾਂ ਦੀ ਮੁਰੰਮਤ ਦਾ ਕੰਮ ਕਰ ਰਹੇ ਸਨ ਤਾਂ ਗੁਰਦੀਪ ਸਿੰਘ ਦੀਪੂ ਸਟੇਟ ਸੰਯੁਕਤ ਸਕੱਤਰ ਆਪ ਵਾਸੀ ਲਾਲਹੇੜੀਰੋਡ ਖੰਨਾ, ਸੁਖਵਿੰਦਰ ਸਿੰਘ ਬਲਾਕ ਪ੍ਰਧਾਨ ਦਿਹਾਤੀ ਵਾਸੀ ਲਲਹੇੜੀ, ਵਰਿੰਦਰ ਸਿੰਘ ਬਲਾਕ ਪ੍ਰਧਾਨ ਦਿਹਾਤੀ ਵਾਸੀ ਗੋਹ, ਰਾਜਵੀਰ ਸ਼ਰਮਾ ਸ਼ਹਿਰੀ ਪ੍ਰਧਾਨ ਖੰਨਾ ਵਾਸੀ ਲਲਹੇੜੀ ਰੋਡ ਖੰਨਾ, ਤਰਿੰਦਰ ਗਿੱਲ ਸ਼ਹਿਰੀ ਪ੍ਰਧਾਨ ਖੰਨਾ ਵਾਸੀ ਕ੍ਰਿਸ਼ਨਾ ਨਗਰ ਖੰਨਾ, ਰਾਜ ਕੁਮਾਰ ਜੱਸਲ ਪ੍ਰਧਾਨ ਯੂਥ ਖੰਨਾ ਆਪ ਵਾਸੀ ਪੀਰਖਾਨਾ ਰੋਡ ਖੰਨਾ, ਪ੍ਰਸ਼ਾਂਤ ਡਾਂਗ ਇੰਚਾਰਜ ਵਾਰਡ 21 ਖੰਨਾ ਜਬਰਦਸਤੀ ਉਨ੍ਹਾਂ ਦੀਆਂ ਦੁਕਾਨਾਂ ਵਿਚ ਵੜ ਗਏ।
ਜਿਨ੍ਹਾਂ ਨੇ ਦੁਕਾਨਾਂ ਅੰਦਰ ਆ ਕੇ ਉਹਨਾਂ ਦਾ ਕੰਮ ਰੋਕਿਆ। ਉਹਨਾਂ ਨੂੰ ਦੁਕਾਨਾਂ ਅੰਦਰ ਬੰਦੀ ਬਣਾਇਆ ਗਿਆ ਅਤੇ ਜਬਰਦਸਤੀ ਦਬਾਅ ਪਾ ਕੇ ਪੈਸਿਆਂ ਦੀ ਮੰਗ ਕਰਨ ਲੱਗੇ। ਰੌਲਾ ਪੈਣ ਉੱਤੇ ਲੋਕ ਇਕੱਠੇ ਹੋਣ ਲੱਗੇ ਤਾਂ ਇਹ ਮੌਕੇ ਉਤੋਂ ਦੌੜ ਗਏ। ਪੁਲਿਸ ਵਲੋਂ ਉਕਤ ਆਪ ਆਗੂਆਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਪੁਲਿਸ ਨੇ ਸਾਰੇ ਦੋਸ਼ੀ ਕੀਤੇ ਗ੍ਰਿਫਤਾਰ
ਮਿਲੀ ਜਾਣਕਾਰੀ ਅਨੁਸਾਰ ਪੁਲਿਸ ਵਲੋਂ ਆਪ ਆਗੂਆਂ ਨੂੰ ਰਾਤ ਨੂੰ ਹੀ ਗ੍ਰਿਫਤਾਰ ਕਰ ਲਿਆ ਗਿਆ ਸੀ। ਇਸ ਦੀ ਪੁਸ਼ਟੀ ਡੀ ਐਸ ਪੀ ਖੰਨਾ ਕਰਨੈਲ ਸਿੰਘ ਵਲੋਂ ਕੀਤੀ ਗਈ ਉਹਨਾਂ ਕਿਹਾ ਕਿ ਰਾਤ ਨੂੰ ਹੀ ਗਿਰਫ਼ਤਾਰ ਕੀਤਾ ਗਿਆ ਸੀ।