ਅੰਮ੍ਰਿਤਸਰ ਦਿਹਾਤੀ ਦੀ ਪੁਲਿਸ ਨੇ ਰੀਟਰੀਟ ਸੈਰਾਮਨੀ ਵੇਖਣ ਆਈ ਸਿੱਕਮ ਦੀ ਮਹਿਲਾ ਦੀ ਹੱਤਿਆ ਦੀ ਸੁਲਝਾਈ ਗੁੱਥੀ -ਇਕ ਦੋਸ਼ੀ ਕੀਤਾ ਕਾਬੂ

ਅਟਾਰੀ/ਰਣਜੀਤ ਸਿੰਘ ਰਾਣਾ ਨੇਸ਼ਟਾ

ਅੰਮ੍ਰਿਤਸਰ ਵਿੱਚ ਸਿੱਕਿਮ ਦੀ ਇੱਕ ਮਹਿਲਾ ਟੂਰਿਸਟ ਨੂੰ ਸਨੈਚਰਾਂ ਕਰਕੇ ਆਪਣੀ ਜਾਨ ਗੁਆਣੀ ਪਈ ਸੀ। ਪੂਰੇ ਇੱਕ ਮਹੀਨੇ ਮਗਰੋਂ ਪੁਲਿਸ ਨੇ ਇੱਕ ਬਾਈਕ ਸਵਾਰ ਸਨੈਚਰ ਨੂੰ ਫੜ ਲਿਆ ਹੈ। ਦੂਜੇ ਪਾਸੇ ਦੂਜੇ ਸਨੈਚਰ ਨੂੰ ਫੜਨ ਲਈ ਪੁਲਿਸ ਛਾਪੇਮਾਰੀ ਕਰ ਰਹੀ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਸਨੈਚਿੰਗ ਕਰਨ ਵਾਲੇ ਦੋਵੇਂ ਹੀ ਨੌਜਵਾਨ ਛੇਹਰਟਾ ਵਿੱਚ ਨਾਰਾਇਣ ਗੜ੍ਹ ਦੇ ਹਨ।ਫੜੇ ਗਏ ਸਨੈਚਰ ਦੀ ਪਛਾਣ ਸ਼ਮਸ਼ੇਰ ਸਿੰਘ ਸ਼ੇਰਾ ਵਜੋਂ ਹੋਈ ਹੈ। ਪੁਲਿਸ ਨੇ ਸਨੈਚਰ ਤੋਂ ਮੋਬਾਈਲ ਅਤੇ ਪਰਸ ਵੀ ਬਰਾਮਦ ਕਰ ਲਿਆ ਹੈ। 

ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਟੂਰਿਸਟ ਨਾਲ ਹੋਈ ਘਟਨਾ ਤੋਂ ਬਾਅਦ ਪੁਲਿਸ ਹਰਕਤ ਵਿੱਚ ਆ ਗਈ ਸੀ। ਪੁਲਿਸ ਨੇ ਹੁਣ ਰਿਟ੍ਰੀਟ ਵੇਲੇ ਤਿੰਨ PCR ਟੀਮਾਂ ਦੀ ਡਿਊਟੀ ਅਟਾਰੀ ਰੋਡ ‘ਤੇ ਲਾ ਦਿੱਤੀ ਹੈ, ਜੋ ਅਜਿਹੀਆਂ ਘਟਨਾਵਾਂ ਨੂੰ ਰੋਕਣ ਲਈ ਲਗਾਤਾਰ ਕੋਸ਼ਿਸ਼ ਕਰਦੀਆਂ ਰਹਿਣਗੀਆਂ।

ਗੰਗਾ ਸਿੱਕਿਮ ਦੇ ਗੰਗਟੋਕ ਦੀ ਰਹਿਣ ਵਾੀਲ ਸੀ, ਪਰ ਲਾਅ ਦੀ ਪੜਅਹਾਈ ਲਈ ਦਿੱਲੀ ਵਿੱਚ ਸ਼ਿਫਟ ਹੋ ਚੁੱਕੀ ਸੀ। ਆਪਣਏ ਦੋਸਤ ਦੇ ਨਾਲ ਵੀਕਐਂਡ ‘ਤੇ 4 ਫਰਵਰੀ ਨੂੰ ਅੰਮ੍ਰਤਸਰ ਘੁੰਮਣ ਲਈ ਆਈ ਸੀ। ਸ਼ਾਮ ਦੇ ਸਮੇਂ ਉਹ ਅਟਾਰੀ ਬਾਰਡਰ ‘ਤੇ ਰਿਟ੍ਰੀਟ ਵੇਖ ਕੇ ਵਾਪਸ ਪਰਤ ਰਹੀ ਸੀ। ਉਹ ਅਤੇ ਉਸ ਦਾ ਦੋਸਤ ਆਟੋ ਵਿੱਚ ਸਵਾਰ ਸਨ, ਪਰ ਪਿੰਡ ਢੋਢੀਵਿੰਡ ਦੇ ਕੋਲ ਦੋ ਬਾਈਕ ਸਵਾਰ ਆਏ ਅਤੇ ਕੁੜੀ ਦਾ ਪਰਸ ਖੋਹਣ ਲੱਗੇ।

ਸਨੈਚਰਾਂ ਨੇ ਕੁੜੀ ਦਾ ਪਰਸ ਖੋਹਿਆ, ਉਹ ਆਪਣਾ ਸੰਤੁਲਨ ਗੁਆ ਬੈਠੀ, ਜਿਸ ਮਗਰੋਂ ਗੰਗਾ ਦਾ ਸਿਰ ਸਿੱਧਾ ਸੜਕ ਦੇ ਨਾਲ ਟਕਰਾਇਆ। ਉਹ ਗੰਭੀਰ ਜ਼ਖਮੀ ਹੋ ਚੁੱਕੀ ਸੀ। ਉਸ ਨੂੰ ਹਸਪਤਾਲ ਵਿੱਚ ਸ਼ਿਫਟ ਕੀਤਾ ਗਿਆ, ਜਿਥੇ ਉਸ ਦੀ ਮੌਤ ਹੋ ਗਈ।