Total views : 5895710
Total views : 5895710ਬਾਰਡਰ ਨਿਊਜ ਐਕਪ੍ਰੈਸ ਦੇ ਪਾਠਕਾਂ ਨੇ
58 ਲੱਖ ਦਾ ਅੰਕੜਾ ਕੀਤਾ ਪਾਰ
ਅੰਮ੍ਰਿਤਸਰ/ਬਾਰਡਰ ਨਿਊਜ ਸਰਵਿਸ
ਪੁਲਿਸ ਕਮਿਸ਼ਨਰੇਟ ਅੰਮ੍ਰਿਤਸਰ ਦੇ ਥਾਣਾਂ ਸਿਵਲ ਲਾਈਨਜ ਵਿਖੇ ਜਿਲਾ ਤਰਨ ਤਾਰਨ ਦੇ ਥਾਣਾਂ ਗਇੰਦਵਾਲ ਦੇ ਐਸ.ਐਚ.ਓ ਸਮੇਤ ਸ਼੍ਰੌਮਣੀ ਅਕਾਲੀ ਦਲ ਆਈ ਵਿੰਗ ਦੇ ਇੰਚਾਰਜ ਨਛੱਤਰ ਸਿੰਘ ਆਦਿ ਵਿਰੁੱਧ ਕੇਸ ਦਰਜ ਕਰਕੇ ਪੁਲਿਸ ਨੇ ਥਾਣਾਂ ਗੋਇੰਦਵਾਲ ਦੇ ਐਸ.ਐਚ.ਓ ਇੰਸ: ਪ੍ਰਭਜੋਤ ਸਿੰਘ ਨੂੰ ਗ੍ਰਿਫਤਾਰ ਕਰਕੇ ਅਦਾਲਤ ਵਿੱਚ ਪੇਸ਼ ਕਰਨ ਉਪਰੰਤ ਇਕ ਦਿਨ ਦਾ ਰਿਮਾਂਡ ਹਾਸਲ ਕਰ ਲਿਆ ਹੈ। ਅਤੇ ਇਕ ਹੋਰ ਮੁਲਜ਼ਮ ਜਤਿੰਦਰ ਸਿੰਘ ਨੂੰ ਦੋ ਦਿਨ ਦਾ ਪੁਲਿਸ ਰਿਮਾਂਡ ਪ੍ਰਾਪਤ ਕੀਤਾ।ਜਿਸ ਸਬੰਧੀ ਪ੍ਰਾਪਤ ਜਾਣਕਾਰੀ ਅਨੁਸਾਰ 30 ਅਪ੍ਰੈਲ ਦੀ ਰਾਤ ਨੂੰ ਅੰਮ੍ਰਿਤਸਰ ਕਮਿਸ਼ਨਰੇਟ ਦੇ ਸਿਵਲ ਲਾਈਨਜ਼ ਥਾਣੇ ਵਿਚ ਦਰਜ ਕੀਤੀ ਗਈ ਦਰਜ ਐੱਫਆਈਆਰ ਵਿਚ ਬੰਦੂਕ ਦੀ ਨੋਕ ‘ਤੇ ਅਗਵਾ, ਕੁੱਟਮਾਰ ਅਤੇ 2 ਲੱਖ ਰੁਪਏ ਦੀ ਚੋਰੀ ਦੀਆਂ ਧਾਰਾਵਾਂ ਸ਼ਾਮਲ ਹਨ।
ਇਸ ਮਾਮਲੇ ਵਿਚ ਗੁਮਟਾਲਾ ਦੇ ਨਿਵਾਸੀ ਪ੍ਰਭ, ਗੋਇੰਦਵਾਲ ਦੇ ਨਿਵਾਸੀ ਰਣਬੀਰ ਸਿੰਘ ਅਤੇ ਕਾਜ਼ੀਕੋਟ ਦੇ ਨਿਵਾਸੀ ਜਤਿੰਦਰ ਸਿੰਘ ਦੇ ਨਾਂ ਵੀ ਸ਼ਾਮਲ ਹਨ। ਚਾਟੀਵਿੰਡ ਦੇ ਨਿਵਾਸੀ ਗੁਰਪਾਲ ਸਿੰਘ ਨੇ ਪੁਲਿਸ ਨੂੰ ਦਿੱਤੀ ਆਪਣੀ ਸ਼ਿਕਾਇਤ ਵਿਚ ਕਿਹਾ ਕਿ 24 ਅਪ੍ਰੈਲ 2017 ਨੂੰ ਉਸ ਦੇ ਖਿਲਾਫ ਕਤਲ ਦਾ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਮਾਮਲਾ ਅਦਾਲਤ ਵਿਚ ਵਿਚਾਰ ਅਧੀਨ ਹੈ। 29 ਅਪ੍ਰੈਲ ਨੂੰ ਉਹ ਆਪਣੀ ਪੇਸ਼ੀ ਲਈ ਪਹੁੰਚਿਆ। ਮੁਲਜ਼ਮ ਅਦਾਲਤ ਦੇ ਬਾਹਰ ਉਸ ਦੀ ਉਡੀਕ ਕਰ ਰਹੇ ਸਨ, ਅਤੇ ਉਹ ਉਸ ਨੂੰ ਜਾਣਦੇ ਹਨ।
ਮੁਲਜ਼ਮਾਂ ਨੇ ਉਸ ਨੂੰ ਦੱਸਿਆ ਕਿ ਉਸ ਨਾਲ ਇਕ ਮਹੱਤਵਪੂਰਨ ਗੱਲ ਕਰਨੀ ਹੈ ਅਤੇ ਉਸ ਨੂੰ ਸੁਣਵਾਈ ਵਿਚ ਸ਼ਾਮਲ ਹੋਣ ਤੋਂ ਬਾਅਦ ਗੱਲ ਸੁਣ ਲੈਣ। ਉਹ ਅਦਾਲਤ ਦੇ ਕਮਰੇ ਤੋਂ ਬਾਹਰ ਆਇਆ ਅਤੇ ਉਨ੍ਹਾਂ ਦੀ ਗੱਲ ਸੁਣੀ। ਫਿਰ ਉਨ੍ਹਾਂ ਨੇ ਉਸ ਨੂੰ ਗੱਲਬਾਤ ਵਿਚ ਸ਼ਾਮਲ ਕੀਤਾ ਅਤੇ ਉਸ ਨੂੰ ਅਦਾਲਤ ਤੋਂ ਬਾਹਰ ਅਤੇ ਤਹਿਸੀਲ ਕੰਪਲੈਕਸ ਰਾਹੀਂ ਸੜਕ ‘ਤੇ ਲੈ ਗਏ। ਕੁਝ ਹੀ ਸਮੇਂ ਵਿਚ ਮੁਲਜ਼ਮਾਂ ਨੇ ਉਸ ਨੂੰ ਇਕ ਕਾਰ ਵਿੱਚ ਅਗਵਾ ਕਰ ਲਿਆ। ਉਹ ਉਸ ਨੂੰ ਚਾਟੀਵਿੰਡ ਇਲਾਕੇ ਵਿਚ ਲੈ ਗਏ।
ਉਸ ਨੂੰ ਇਕ ਬੰਬੀ ‘ਤੇ ਲਿਜਾਇਆ ਗਿਆ ਅਤੇ ਬੰਦੂਕ ਦੀ ਨੋਕ ‘ਤੇ ਕੱਪੜੇ ਉਤਾਰਨ ਲਈ ਮਜਬੂਰ ਕੀਤਾ ਗਿਆ।ਉੱਥੇ ਮੁਲਜ਼ਮਾਂ ਨੇ ਨਛੱਤਰ ਸਿੰਘ ਨਾਲ ਇਕ ਵੀਡੀਓ ਕਾਲ ਦੇ ਜ਼ਰੀਏ ਉਸ ਦੀ ਮੁਲਾਕਾਤ ਕਰਵਾਈ। ਗੁਰਪਾਲ ਨੇ ਦੋਸ਼ ਲਗਾਇਆ ਕਿ ਨਛੱਤਰ ਨੇ ਉਸ ਦੇ ਮੋਬਾਈਲ ਫੋਨ ‘ਤੇ ਇਕ ਸੁਨੇਹਾ ਭੇਜਿਆ, ਜਿਸ ਵਿਚ ਉਸ ਨੂੰ ਗੋਲ਼ੀ ਮਾਰ ਕੇ ਕੰਮ ਤਮਾਮ ਕਰਨ ਦੀ ਗੱਲ ਕੀਤੀ ਗਈ। ਮੁਲਜ਼ਮਾਂ ਨੇ ਫਿਰ ਉਸ ਦੀ ਜੇਬ ਵਿੱਚੋਂ ਦੋ ਲੱਖ ਰੁਪਏ ਕੱਢ ਲਏ। ਫਿਰ ਉਹ ਉਸ ਨੂੰ ਇੱਕ ਕਾਰ ਵਿੱਚ ਜ਼ਬਰਦਸਤੀ ਬਿਠਾ ਕੇ ਕੁੱਟਿਆ ਅਤੇ ਗੋਇੰਦਵਾਲ ਪੁਲਿਸ ਥਾਣੇ ਲੈ ਗਏ। ਥਾਣਾ ਇੰਚਾਰਜ ਇੰਸਪੈਕਟਰ ਪ੍ਰਭਜੋਤ ਸਿੰਘ ਨੇ ਮੁਲਜ਼ਮਾਂ ਨਾਲ ਮਿਲੀਭੁਗਤ ਕਰਕੇ ਖਾਲੀ ਕਾਗਜ਼ਾਂ ‘ਤੇ ਉਸ ਦੇ ਦਸਤਖਤ ਲੈ ਲਏ ਅਤੇੇ ਉਸ ਨੂੰ ਫਿਰ ਚਾਟੀਵਿੰਡ ਛੱਡ ਕੇ ਭੱਜ ਗਏ।ਖਬਰ ਨੂੰ ਵੱਧ ਤੋ ਵੱਧ ਅੱਗੇ ਸ਼ੇਅਰ ਕਰੋ-