ਭਾਈ ਅੰਮ੍ਰਿਤਪਾਲ ਸਿੰਘ ਦੀ ਪਤਨੀ ਕਿਰਨਦੀਪ ਕੌਰ ਨੂੰ ਤੀਜੀ  ਵਾਰੀ ਜਹਾਜ ਚੜਨ ਤੋ ਰੋਕਿਆ ਗਿਆ

ਅੰਮ੍ਰਿਤਸਰ /ਜਸਬੀਰ ਸਿੰਘ ਪੱਟੀ

ਡਬਲਯੂ ਪੀ ਡੀ- ਡਿਬਰੂਗੜ ਜੇਲ੍ਹ ਦੇ ਨਾਮ ਵਾਲੀ ਮੇਲ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਵਾਰਸ ਪੰਜਾਬ ਜਥੇਬੰਦੀ ਦੇ ਮੁੱਖੀ ਜੋ ਇਸ ਵੇਲੇ ਅਸਾਮ ਦੀ ਡਿਬਰੂਗੜ ਜੇਲ੍ਹ ਵਿੱਚ ਐਨ ਐਸ ਏ ਤਹਿਤ ਬੰਦ ਭਾਈ ਅੰਮ੍ਰਿਤਪਾਲ ਸਿੰਘ ਦੀ ਵਿਦੇਸ਼ੀ ਮੂਲ ਦੀ ਧਰਮ ਪਤਨੀ ਬੀਬੀ ਕਿਰਨਦੀਪ ਕੌਰ ਨੂੰ ਤੀਸਰੀ ਵਾਰੀ ਇੰਗਲੈਂਡ ਜਾਣ ਤੋ ਰੋਕਿਆ ਗਿਆ ਹੈ,ਜਦ ਕਿ ਉਸ ਦੇ ਖਿਲਾਫ ਕੋਈ ਵੀ ਮੁਕੱਦਮਾ ਦਰਜ ਨਹੀਂ ਹੈ ਪਰ ਉਸ ਵਿਰੁੱਧ ਭਾਈ ਅੰਮ੍ਰਿਤਪਾਲ ਸਿੰਘ ਦੀ ਪਤਨੀ ਹੋਣ ਵਾਲਾ ਫੰਡਾ ਪੁਰੀ ਤਰ੍ਹਾਂ ਨਾਵਾਜਬ ਹੈ।

ਕਿਰਨਦੀਪ ਕੌਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਾਨੂੰਨ ਦੇ ਅਨੁਸਾਰ ਉਸ ਲਈ ਆਪਣੇ ਦੇਸ਼ ਇੰਗਲੈਂਡ ਤੋਂ ਬਾਹਰ ਰਹਿਣ ਦੇ ਬਾਅਦ 180 ਦਿਨਾਂ ਦੀ ਛੋਟ ਹੈ ਪਰ ਛੇ ਮਹੀਨਿਆ ਵਿੱਚ ਇੱਕ ਵਾਰੀ ਵਾਪਸ ਜਾਣਾ ਬਹੁਤ ਜ਼ਰੂਰੀ ਹੁੰਦਾ ਹੈ। ਅਪ੍ਰੈਲ ਮਹੀਨੇ ਦੇ ਦੌਰਾਨ ਕੁਝ ਮੀਡੀਆ ਅਤੇ ਵਿਅਕਤੀਆਂ ਨੇ ਸੋਚਿਆ ਕਿ ਕਿਰਨਦੀਪ ਇੰਗਲੈਂਡ ਵਾਪਸ “ਭੱਜ” ਰਹੀ ਸੀ ਜਦ ਕਿ ਕਿਸੇ ਦੇ ਵੀ ਘਰ ਵਾਪਸ ਜਾਣ ਨੂੰ “ਭੱਜਣਾ” ਨਹੀਂ ਕਿਹਾ ਜਾ ਸਕਦਾ।

ਕਿਰਨਦੀਪ ਕੌਰ ਨੇ ਗਿੱਲਾ ਕਰਦਿਆ ਕਿ ਕਿਹਾ ਕਿ ਇਹ ਪੱਤਰਕਾਰੀ ਦੇ ਨਿਯਮਾਂ, ਸਿਧਾਂਤਾਂ ਤੇ ਪਰੰਪਰਾਵਾਂ ਦੇ ਖਿਲ਼ਾਫ ਹੈ। ਇੱਕ ਬ੍ਰਿਿਟਸ਼ ਨਾਗਰਿਕ ਹੋਣ ਦੇ ਨਾਤੇ ਉਸ ‘ਤੇ ਵੱਖ-ਵੱਖ ਨਿਯਮ ਲਾਗੂ ਹੁੰਦੇ ਹਨ ।ਠੀਕ ਇੱਕ ਮਹੀਨਾ ਪਹਿਲਾਂ 14 ਜੁਲਾਈ ਲਈ ਉਸ ਨੇ ਇੱਕ ਫਲਾਈਟ ਬੁੱਕ ਕੀਤੀ ਸੀ।ਰਵਾਨਗੀ ਦੀ ਸਵੇਰ ਤੱਕ ਉਸ ਨੂੰ ਕੁਝ ਵੀ ਨ੍ਹਹੀ ਦੱਸਿਆ ਜਾ ਰਿਹਾ ਸੀ ਕਿ ਉਸ ਦੇ ਜਾਣ ‘ਚ ਕਿਸੇ ਤਰਾਂ ਦੀ ਕੋਈ ਅੜਿਚਨ ਹੈ, ਫਿਰ ਬੋਰਡਿੰਗ ਦੇ ਸਮੇਂ ਤੋਂ ਕੁਝ ਘੰਟੇ ਪਹਿਲਾਂ ਉਸ ਨੂੰ ਨਾ ਜਾਣ ਲਈ ਕਿਹਾ ਗਿਆ। ਅਧਿਕਾਰੀਆ ਨੇ ਉਸ ਨੂੰ 18 ਜੁਲਾਈ  ਤੱਕ ਕੁਝ ਦਿਨ ਉਡੀਕ ਕਰਨ ਦੀ ਬੇਨਤੀ ਕੀਤੀ। ਇਸ ਲਈ, ਉਹ ਦੁਬਾਰਾ ਉਸੇ ਤਰ੍ਹਾਂ ਦਾ ਅਨੁਭਵ ਕਰਨ ਲਈ 19 ਜੁਲਾਈ  ਲਈ ਦੁਬਾਰਾ ਫਲਾਈਟ ਕਰ ਦਿੱਤੀ ਪਰ ਫਿਰ ਰੋਕ ਦਿੱਤਾ ਗਿਆ ਤੇ ਦਿੱਲੀ ਹਵਾਈ ਅੱਡੇ ਤੋਂ ਬੇਰੰਗ ਵਾਪਸ ਮੋੜ ਦਿੱਤਾ ਗਿਆ।
      ਕਿਰਨਦੀਪ ਕੌਰ  ਦਾ ਕਹਿਣਾ ਹੈ ਕਿ ਕਿਸੇ ਅਧਿਕਾਰੀ ਨੇ ਉਸ ਨਾਲ ਸਿੱਧੇ ਜਾਂ ਸਪੱਸ਼ਟ ਤੌਰ ‘ਤੇ ਗੱਲ ਨਹੀਂ ਕੀਤੀ।ਉਸ ਨੇ ਕਿਹਾ ਕਿ ਭਾਰਤ ਦੀਆਂ ਸਰਕਾਰੀ ਏਜੰਸੀਆਂ ਨਹੀਂ ਚਾਹੁੰਦੀਆ ਕਿ ਕਿਰਨਦੀਪ ਕੌਰ ਅਵਤਾਰ ਸਿੰਘ ਖੰਡਾ ਦੇ ਅੰਤਿਮ ਸੰਸਕਾਰ ਵਿੱਚ ਸ਼ਾਮਲ ਹੋਵੇ ਜਦਕਿ ਉਸ ਨੂੰ ਇਹ ਵੀ ਨਹੀਂ ਪਤਾ ਕਿ ਅੰਤਿਮ ਸੰਸਕਾਰ ਕਦੋਂ ਅਤੇ ਕਿੱਥੇ ਹੋ ਰਿਹਾ ਹੈ। ਏਜੰਸੀਆ ਇਸ ਬਾਰੇ ਬੇਚੈਨੀ ਮਹਿਸੂਸ ਕਰ ਰਹੀਆ ਹਨ, ਇਹ ਮੰਨ ਕੇ ਕਿ ਕਿਰਨਦੀਪ ਕੌਰ ਉੱਥੇ ਭਾਸ਼ਣ ਦੇਵੇਗੀ।
 ਬੀਬੀ ਕਿਰਨਦੀਪ ਕੌਰ ਨੇ ਕਿਹਾ ਕਿ ਉਹ ਸਿਰਫ਼ ਆਪਣੇ ਪਰਿਵਾਰ ਨੂੰ ਮਿਲਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਉਸ ਦੀ ਯਾਤਰਾ ਇੱਕ ਜਾਂ ਦੋ ਹਫ਼ਤਿਆਂ ਲਈ ਹੋਵੇਗੀ, ਉੱਥੇ ਜ਼ਿਆਦਾ ਦੇਰ ਤੱਕ ਰੁਕਣ ਦਾ ਕੋਈ ਇਰਾਦਾ ਨਹੀਂ ਹੈ, ਉਸ ਦੀ ਤਰਜੀਹ ਆਪਣਾ ਪਤੀ ਹੈ।
 ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਹਨਾਂ ਕੋਲ  ਐੱਲ.ਓ.ਸੀ. ਸਬੰਧੀ ਸਮੱਸਿਆ ਹੈ, ਪਰ ਅਧਿਕਾਰੀਆਂ ਨੇ ਅਜਿਹਾ ਕੋਈ ਦਸਤਾਵੇਜ਼ ਮੁਹੱਈਆ ਨਹੀਂ ਕਰਵਾਇਆ ਜਿਸ ਨਾਲ ਪਤਾ ਲੱਗੇ ਕਿ ਕੋਈ ਐੱਲ.ਓ.ਸੀ. ਹੈ।  ਜੇਕਰ ਹਾਂ ਤਾਂ ਉਹ ਕਿਸ ਆਧਾਰ ‘ਤੇ ਹੈ ਅਤੇ ਦਿਖਾਉਣ ਤੋਂ ਕਿਉ ਇਨਕਾਰ ਕਰ ਰਹੇ ਹਨ? ਕਿਰਨਦੀਪ ਕੋਰ ਨੇ ਕਿਹਾ ਕਿ ਜੇਕਰ ਅਜਿਹਾ ਨਹੀਂ ਹੈ, ਤਾਂ ਉਹ ਨੂੰ ਇੰਗਲੈਂਡ ਜਾਣ ਤੋਂ ਰੋਕਿਆ ਨਹੀਂ ਜਾ ਸਕਦਾ।