ਕਸਬਾ ਟਾਗਰਾ ‘ ਚ ਬਣੇ ਫਲਾਈ ਓਵਰ ਦੇ ਹਾਲਾਤ ਬਹੁਤ ਹੀ ਖਤਰਨਾਕ ਹਨ, ਕਿਸੇ ਵੇਲੇ ਵੀ ਬਹੁਤ ਵੱਡਾ ਹਾਦਸਾ ਵਾਪਰ ਸਕਦਾ ਹੈ – ਜਮੂਹਰੀ ਕਿਸਾਨ ਸਭਾ

ਜੰਡਿਆਲਾ ਗੁਰੂ , ਰਈਆ/ ਅਮਰਪਾਲ ਸਿੰਘ ਬੱਬੂ ,ਬਲਵਿੰਦਰ ਸੰਧੂ

ਕਸਬਾ ਟਾਗਰਾ ‘ ਬਣੇ ਫਲਾਈ ਓਵਰ ਦੇ ਹਾਲਾਤ ਬਹੁਤ ਹੀ ਖਤਰਨਾਕ ਹਨ ।ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਜਮਹੂਰੀ ਕਿਸਾਨ ਸਭਾ ਪੰਜਾਬ ਦੇ ਸੂਬਾਈ ਕਮੇਟੀ ਮੈਂਬਰ ਗੁਰਮੇਜ ਸਿੰਘ ਤਿੰਮੋਵਾਲ ਅਤੇ ਬਾਜ਼ਾਰ ਕਮੇਟੀ ਟਾਂਗਰਾ ਦੇ ਪ੍ਰਧਾਨ ਕੁਲਵੰਤ ਸਿੰਘ ਸੰਗਰਾਏ ਨੇ ਕਸਬਾ ਟਾਂਗਰਾ ਦੇ ਦੁਕਾਨਦਾਰਾਂ ਅਤੇ ਇਲਾਕੇ ਦੇ ਮੋਹਤਬਰਾਂ ਦੀ ਹਾਜ਼ਰੀ ਵਿੱਚ ਪੱਤਰਕਾਰਾ ਨਾਲ ਗੱਲਬਾਤ ਕਰਦਿਆ ਕੀਤਾ ।
ਜਮੂਹਰੀ ਕਿਸਾਨ ਸ਼ਭਾ ਦੇ ਆਗੂਆਂ ਨੇ ਹੋਰ ਕਿਹਾ ਕਿ ਲੰਮੇ ਅਰਸੇ ਬਾਅਦ ਬਣਾਇਆ ਗਿਆ ਫਲਾਈ ਓਵਰ ਬਹੁਤ ਹੀ ਘਟੀਆ ਮਟੀਰੀਅਲ ਅਤੇ ਤੈਅ ਮਿਆਰਾਂ ਮੁਤਾਬਿਕ ਨਹੀਂ ਬਣਾਇਆ ਗਿਆ, ਜਿਸ ਨਾਲ ਫਲਾਈ ਓਵਰ ਬਣਦਿਆਂ ਹੀ ਉਸ ਵਿੱਚ ਡੂੰਘੇ ਖੱਡੇ ਪੈ ਗਏ ਅਤੇ ਦੋਹੀਂ ਪਾਸੀਂ ਬਣੀਆਂ ਦੀਵਾਰਾਂ ਟੇਢੀਆਂ ਹੋ ਚੁੱਕੀਆਂ ਹਨ ਜੋ ਕਿਸੇ ਸਮੇਂ ਵੀ ਡਿੱਗ ਕੇ ਵੱਡੇ ਹਾਦਸੇ ਨੂੰ ਅੰਜਾਮ ਦੇ ਸਕਦੀਆਂ ਹਨ। ਫਲਾਈ ਓਵਰ ਦੇ ਉਪਰੋਂ ਤਾਂ ਕੀ ਹੇਠਾਂ ਬਣੇ ਸਰਵਿਸ ਰੋਡ ਉੱਪਰ ਜਾਣਾ ਵੀ ਮੌਤ ਨੂੰ ਸੱਦਾ ਦੇਣਾ ਹੈ ।

ਪਿਛਲੇ ਦਿਨੀ ਇਸ ਸਬੰਧੀ ਅਖਬਾਰਾਂ ਵਿੱਚ ਖਬਰਾਂ ਵੀ ਪ੍ਰਕਾਸ਼ਤ ਹੋਈਆਂ ਹਨ ਪਰ ਕਿਸੇ ਵੀ ਪ੍ਰਸ਼ਾਸਨਿਕ ਅਧਿਕਾਰੀ ਨੇ ਮੌਕਾ ਵੇਖਣ ਅਤੇ ਯੋਗ ਕਾਰਵਾਈ ਕਰਨ ਦੀ ਖੇਚਲ ਹੀ ਨਹੀਂ ਕੀਤੀ। ਆਗੂਆਂ ਨੇ ਕਿਹਾ ਕਿ ਕਿਸੇ ਵੀ ਕਸਬੇ ਉੱਪਰ ਬਣਨ ਵਾਲਾ ਫਲਾਈ ਓਵਰ ਪਿਲਰਾਂ ਤੇ ਅਧਾਰਿਤ ਹੋਣਾ ਚਾਹੀਦਾ ਹੈ, ਜਿਸ ਨਾਲ ਅਜਿਹੇ ਖਤਰਿਆਂ ਤੋਂ ਬਚਿਆ ਜਾ ਸਕਦਾ ਹੈ। ਉਹਨਾਂ ਮੰਗ ਕੀਤੀ ਕਿ ਕਸਬੇ ਉੱਪਰ ਬਣਿਆ ਫਲਾਈ ਓਵਰ ਪਿੱਲਰਾਂ ਅਧਾਰਿਤ ਬਣਾਇਆ ਜਾਵੇ ਅਤੇ ਇਸ ਸਬੰਧੀ 13 ਸਤੰਬਰ ਸ਼ਾਮ 4 ਵਜੇ ਸੰਘਰਸ਼ ਦੀ ਰੂਪ ਰੇਖਾ ਉਲੀਕਣ ਲਈ ਕਸਬਾ ਟਾਂਗਰਾ ਅਤੇ ਇਲਾਕੇ ਦੇ ਸੁਹਿਰਦ ਲੋਕਾਂ ਦੀ ਮੀਟਿੰਗ ਕੀਤੀ ਜਾਵੇਗੀ। ਇਸ ਮੌਕੇ ਡਾਕਟਰ ਸਰਬਜੀਤ ਸਿੰਘ , ਸਵਿੰਦਰ ਸਿੰਘ ਖਹਿਰਾ, ਲਾਡੀ ਉੱਪਲ , ਗੁਰਪ੍ਰੀਤ ਸਿੰਘ ਤਿੰਮੋਵਾਲ , ਜਗਦੀਸ਼ ਸਿੰਘ ਬਿੱਟੂ ਕੋਟਲਾ ਅਤੇ ਹੋਰ ਮੋਹਤਬਰ ਵੀ ਹਾਜ਼ਰ ਸਨ ।ਖਬਰ ਨੂੰ ਵੱਧ ਤੋ ਵੱਧ ਅੱਗੇ ਸ਼ੇਅਰ ਕਰੋ-