ਜਲੰਧਰ ‘ਚ ਹੋਣ ਵਾਲੇ ਰਾਜ ਪੱਧਰੀ ਸੁੰਤਤਰਤਾ ਸਮਾਗਮ ਦੀ ਸਰੁੱਖਿਆ ਦੀ ਜੁਮੇਵਾਰੀ ਸੰਭਾਲੇਗਾ ਡਾਗ ਸੁਕੈਅਡ ਦਾ ਮੈਬਰ ਸਾਢੇ ਪੰਜ ਸਾਲਾ ਬੌਬੀ

ਜਲੰਧਰ/ਬੀ.ਐਨ.ਈ ਬਿਊਰੋ 

ਸੁਤੰਤਰਤਾ ਦਿਵਸ 2024 ‘ਤੇ ਮਹਾਨਗਰ ਦੇ ਸਟੇਡੀਅਮ ‘ਚ ਹੋਣ ਵਾਲੇ ਰਾਜ ਪੱਧਰੀ ਸਮਾਗਮ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਸਾਢੇ ਪੰਜ ਸਾਲ ਦੇ ਕੁੱਤੇ ਬੌਬੀ ਨੇ ਸੰਭਾਲੀ ਹੈ। ਇਕ ਪਾਸੇ ਜਿੱਥੇ ਬੱਚੇ ਸਮਾਗਮ ਲਈ ਰੰਗਾਰੰਗ ਪ੍ਰੋਗਰਾਮ ਦੀ ਰਿਹਰਸਲ ਕਰ ਰਹੇ ਹਨ, ਉੱਥੇ ਹੀ ਬੌਬੀ ਵੀ ਡਿਊਟੀ ‘ਤੇ ਹੈ। ਵਿਸਫੋਟਕ ਸੁੰਘਣ ‘ਚ ਮਾਹਿਰ ਬੌਬੀ ਘੰਟਿਆਂਬੱਧੀ ਸਟੇਡੀਅਮ ‘ਚ ਸ਼ੱਕੀ ਵਸਤਾਂ ’ਤੇ ਨਜ਼ਰ ਰੱਖ ਰਿਹਾ ਹੈ।

ਜਨਮ ਤੋਂ ਕੁਝ ਦਿਨਾਂ ਬਾਅਦ ਹੀ ਪੁਲਿਸ ਲਾਈਨ ‘ਚ ਆਇਆ ਬੌਬੀ

ਬੌਬੀ ਨੂੰ ਇੰਸਪੈਕਟਰ ਦੇ ਬਰਾਬਰ ਮਿਲਦੀਆਂ ਹਨ ਸਹੂਲਤਾਂ

ਡਾਗ ਸਕੁਐਡ ਦੇ ਮੈਂਬਰਾਂ ਨੂੰ ਇੰਸਪੈਕਟਰ ਰੈਂਕ ਦੀਆਂ ਸਹੂਲਤਾਂ ਮਿਲਦੀਆਂ ਹਨ। ਉਨ੍ਹਾਂ ਨੂੰ ਕਾਰ, ਏਅਰ ਕੰਡੀਸ਼ਨਰ, ਮੈਡੀਕਲ ਭੱਤਾ ਤੇ ਖੁਰਾਕ ਲਈ ਫੰਡ ਦਿੱਤੇ ਜਾਂਦੇ ਹਨ। ਸੁਰੱਖਿਆ ਏਜੰਸੀਆਂ ਦੇ ਉਲਟ ਪੰਜਾਬ ਪੁਲਿਸ ‘ਚ ਉਨ੍ਹਾਂ ਨੂੰ ਰੈਂਕ ਤੇ ਤਨਖਾਹ ਨਹੀਂ ਦਿੱਤੀ ਜਾਂਦੀ ਸਗੋਂ ਹਰ ਤਰ੍ਹਾਂ ਦੀਆਂ ਹੋਰ ਸਹੂਲਤਾਂ ਦਿੱਤੀਆਂ ਜਾਂਦੀਆਂ ਹਨ।

ਤਾਇਨਾਤੀ ਦੇ 10 ਸਾਲ ਦੀ ਸੇਵਾ ਤੋਂ ਬਾਅਦ ਹੁੰਦੇ ਹਨ ਸੇਵਾਮੁਕਤ

ਡਾਗ ਸਕੁਐਡ ‘ਚ ਡਾਗ ਦੀ ਤਾਇਨਾਤੀ ਦਸ ਸਾਲ ਤਕ ਹੁੰਦੀ ਹੈ। ਇਸ ਤੋਂ ਬਾਅਦ ਫਿਜ਼ੀਕਲ ਫਿਟਨੈੱਸ ਦੇਖ ਕੇ ਫੈਸਲਾ ਲਿਆ ਜਾਂਦਾ ਹੈ। ਬੌਬੀ ਵੀ ਦਸ ਸਾਲ ਤੋਂ ਬਾਅਦ ਨੌਕਰੀ ਤੋਂ ਸੇਵਾਮੁਕਤ ਹੋਵੇਗਾ।

ਪੁਲਿਸ ਲਾਈਨ ‘ਚ ਬੌਬੀ ਦੇ ਰਹਿਣ ਲਈ ਵੱਖਰਾ ਕਮਰਾ ਹੈ ਜਿਸ ਵਿਚ ਕੂਲਰ ਲੱਗਾ ਹੈ। ਏਐਸਆਈ ਬਲਦੇਵ ਰਾਜ ਨੇ ਦੱਸਿਆ ਕਿ ਬਦਲਦੇ ਮੌਸਮ ‘ਚ ਕਮਰੇ ‘ਚ ਰੱਖਣ ਲਈ ਤਾਪਮਾਨ ਸੰਤੁਲਿਤ ਕੀਤਾ ਜਾਂਦਾ ਹੈ। ਜੇਕਰ ਬਾਹਰ ਗਰਮੀ ਹੋਵੇ ਤਾਂ ਡਿਊਟੀ ‘ਤੇ ਜਾਣ ਤੋਂ ਪਹਿਲਾਂ ਕੂਲਰ ਬੰਦ ਕੀਤਾ ਜਾਂਦਾ ਹੈ।

ਗੰਧ ਨੂੰ ਪਛਾਣਨ ਲਈ ਨੌਂ ਮਹੀਨਿਆਂ ਦੀ ਵਿਸ਼ੇਸ਼ ਸਿਖਲਾਈ

ਡਾਗ ਸਕੁਐਡ ‘ਚ ਸ਼ਾਮਲ ਹੋਣ ਤੋਂ ਬਾਅਦ ਸਭ ਤੋਂ ਪਹਿਲਾਂ ਹਾਊਸ ਸਮੈਲਰ (ਪਰਿਵਾਰਕ ਮੈਂਬਰਾਂ ਨੂੰ ਸੁੰਘਣ) ਦੀ ਟ੍ਰੇਨਿੰਗ ਦਿੱਤੀ ਜਾਂਦੀ ਹੈ। ਸਿਖਲਾਈ ਲਈ ਸਭ ਤੋਂ ਵਧੀਆ ਉਮਰ ਪੰਜ ਮਹੀਨਿਆਂ ਤੋਂ ਸ਼ੁਰੂ ਹੁੰਦੀ ਹੈ। ਹਾਊਸ ਸਮੈਲ ਤੋਂ ਬਾਅਦ ਵਿਸਫੋਟਕਾਂ ਦੀ ਗੰਧ ਤੋਂ ਜਾਣੂ ਕਰਵਾਇਆ ਗਿਆ।ਕੁੱਤੇ ਦੇ ਸੁੰਘਣ ਦੀ ਸਮਰੱਥਾ ਘੱਟ ਨਾ ਹੋਵੇ, ਇਸ ਦੇ ਲਈ ਬਾਕਾਇਦਾ ਡਾਈਟ ਪਲਾਨ ਬਣਾਇਆ ਜਾਂਦਾ ਹੈ। ਡਾਈਟ ‘ਚ ਦੁੱਧ, ਆਂਡੇ, ਰੋਟੀ, ਬਿਨਾਂ ਹੱਡੀ ਵਾਲਾ ਮਾਸ ਤੇ ਸਰਦੀਆਂ ‘ਚ ਚਿਕਨ ਸੂਪ ਸ਼ਾਮਲ ਕੀਤਾ ਜਾਂਦਾ ਹੈ।ਖਬਰ ਨੂੰ ਵੱਧ ਤੋ ਵੱਧ ਅੱਗੇ ਸ਼ੇਅਰ ਕਰੋ-