Total views : 5542674
Total views : 5542674ਬਾਰਡਰ ਨਿਊਜ ਐਕਪ੍ਰੈਸ ਦੇ ਪਾਠਕਾਂ ਨੇ
54 ਲੱਖ ਦਾ ਅੰਕੜਾ ਕੀਤਾ ਪਾਰ
ਐਡਵੋਕੇਟ ਉਪਿੰਦਰਜੀਤ ਸਿੰਘ
ਬਾਬਾ ਬਕਾਲਾ ਸਾਹਿਬ ਵਿਖੇ ਨਾਇਬ ਤਹਿਸੀਲਦਾਰ ਵਜੋਂ ਤਾਇਨਾਤ ਨੌਜਵਾਨ ਅਧਿਕਾਰੀ ਸ੍ਰੀ ਗੌਰਵ ਉਪਲ ਨੇ ਬੀਤੇ ਦਿਨ ਆਏ ਯੂ ਪੀ ਐਸ ਸੀ ਦੇ ਨਤੀਜੇ ਵਿਚ 174ਵਾਂ ਸਥਾਨ ਪ੍ਰਾਪਤ ਕਰਕੇ ਆਈ. ਏ .ਐਸ ਅਧਿਕਾਰੀ ਵਜੋਂ ਆਪਣਾ ਸਫਰ ਦੀ ਸ਼ੁਰੂਆਤ ਕੀਤੀ ਹੈ। ਅੱਜ ਜਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਪੁੱਜਣ ਉਤੇ ਡਿਪਟੀ ਕਮਿਸ਼ਨਰ ਸ੍ਰੀ ਘਨਸ਼ਾਮ ਥੋਰੀ ਨੇ ਉਨਾਂ ਨੂੰ ਮੁਬਾਰਕ ਦਿੰਦੇ ਅਗਲੇਰੇ ਸਫਰ ਲਈ ਸ਼ੁਭ ਕਾਮਨਾਵਾਂ ਦਿੱਤੀਆਂ। ਉਨਾਂ ਕਿਹਾ ਕਿ ਬੇਸ਼ਕ ਸਾਡੇ ਜਿਲ੍ਹੇ ਨੂੰ ਤੁਹਾਡੇ ਵਰਗੇ ਮਹਿਨਤੀ ਅਧਿਕਾਰੀ ਦੀ ਕਮੀ ਮਹਿਸੂਸ ਹੋਵੇਗੀ, ਪਰ ਦੇਸ਼ ਨਿਰਮਾਣ ਲਈ ਗੌਰਵ ਵਰਗੇ ਬੱਚਿਆਂ ਦੀ ਅਗਵਾਈ ਬੇਹੱਦ ਜਰੂਰੀ ਹੈ। ਉਨਾਂ ਸ੍ਰੀ ਗੌਰਵ ਨੂੰ ਭਵਿੱਖ ਲਈ ਗੁਰੂ ਮੱਤ ਦਿੰਦੇ ਇਸੇ ਤਰਾਂ ਮਿਹਨਤ ਤੇ ਇਮਾਨਦਾਰੀ ਨਾਲ ਦੇਸ਼ ਸੇਵਾ ਕਰਨ ਦੀ ਪ੍ਰੇਰਣਾ ਦਿੱਤੀ।
ਡਿਪਟੀ ਕਮਿਸ਼ਨਰ ਅੰਮ੍ਰਿਤਸਰ ਨੇ ਦਿੱਤੀ ਵਧਾਈ ਅਤੇ ਅਗਲੇਰੇ ਸਫਰ ਲਈ ਦਿੱਤੀਆਂ ਸ਼ੁਭ ਕਾਮਨਾਵਾਂ
ਇਸ ਮੌਕੇ ਸ੍ਰੀ ਗੌਰਵ ਨੇ ਦੱਸਿਆ ਕਿ ਉਹ ਕਪੂਰਥਲਾ ਦੇ ਵਾਸੀ ਹਨ ਅਤੇ ਕਪੂਰਥਲੇ ਦੇ ਐਮ .ਜੀ .ਐਨ ਸਕੂਲ ਤੋਂ ਮੁੱਢਲੀ ਵਿਦਿਆ ਪ੍ਰਾਪਤ ਕਰਕੇ ਮੈਂ ਦਿੱਲੀ ਤੋਂ ਬੀ .ਟੈਕ ਦੀ ਡਿਗਰੀ ਪ੍ਰਾਪਤ ਕੀਤੀ। ਉਨਾਂ ਦੱਸਿਆ ਕਿ ਨਵੰਬਰ 2023 ਵਿਚ ਉਹ ਪੰਜਾਬ ਸਰਕਾਰ ਵੱਲੋਂ ਨਾਇਬ ਤਹਿਸੀਲਦਾਰ ਲਈ ਚੁਣੇ ਗਏ, ਜਿਸ ਸਦਕਾ ਉਨਾਂ ਨੂੰ ਕਪੂਰਥਲਾ ਵਿਖੇ ਸੇਵਾ ਨਿਭਾਉਣ ਦਾ ਮੌਕਾ ਮਿਲਿਆ। ਉਨਾਂ ਅੰਮ੍ਰਿਤਸਰ ਵਿਚ ਬਤੌਰ ਡਿਪਟੀ ਕਮਿਸ਼ਨਰ ਸ੍ਰੀ ਘਨਸ਼ਾਮ ਥੋਰੀ ਵੱਲੋਂ ਦਿੱਤੀ ਅਗਵਾਈ ਦੀ ਰੱਜਵੀਂ ਸਰਾਹਨਾ ਕੀਤੀ। ਉਨਾਂ ਦੱਸਿਆ ਕਿ ਉਹ ਆਪਣੀ ਡਿਊਟੀ ਦੇ ਦੌਰਾਨ ਲਗਾਤਾਰ ਆਪਣੀ ਪ੍ਰੀਖਿਆ ਦੀ ਤਿਆਰੀ ਕਰਦੇ ਰਹੇ, ਜਿਸ ਸਦਕਾ ਉਹ ਯੂ .ਪੀ .ਐਸ .ਸੀ ਵਿਚ ਸਥਾਨ ਬਣਾ ਸਕੇ। ਉਨਾਂ ਕਿਹਾ ਕਿ ਉਹ ਅੰਮ੍ਰਿਤਸਰ ਵਾਸੀਆਂ ਖਾਸ ਕਰ ਬਾਬਾ ਬਕਾਲਾ ਸਾਹਿਬ ਦੇ ਵਸਨੀਕਾਂ ਵੱਲੋਂ ਦਿੱਤੇ ਗਏ ਪਿਆਰ ਨੂੰ ਸਦਾ ਯਾਦ ਰੱਖਣਗੇ।ਖਬਰ ਨੂੰ ਵੱਧ ਤੋ ਵੱਧ ਅੱਗੇ ਸ਼ੇਅਰ ਕਰੋ-