ਭ੍ਰਿਸ਼ਟਾਚਾਰ ਰੋਕਣ ਦਾ ਯਤਨ! ਪੰਜਾਬ ਦੇ ਵੱਖ ਵੱਖ ਥਾਂਣਿਆ ‘ਚ ਤਾਇਨਾਤ ਕਰੀਬ 191 ਮੁਨਸ਼ੀਆਂ ਦਾ ਤਬਾਦਲਾ -ਦਾਗੀ ਪੁਲਿਸ ਮੁਲਾਜਮਾਂ ਦੀ ਹੋਵੇਗੀ ਪੱਕੀ ਛੁੱਟੀ

ਚੰਡੀਗੜ੍ਹ/ਬਾਰਡਰ ਨਿਊਜ ਸਰਵਿਸ

ਪੰਜਾਬ ਦੇ ਵਿੱਤ ਮੰਤਰੀ ਹਰਪਾਲ ਚੀਮਾ ਨੇ ਐਤਵਾਰ ਨੂੰ ਦੱਸਿਆ ਕਿ ਰਾਜ ‘ਚ ਭ੍ਰਿਸ਼ਟਾਚਾਰ ਰੋਕਣ ਦੇ ਯਤਨਾਂ ਤਹਿਤ 191 ਐੱਮ.ਐੱਚ.ਸੀ.ਜ਼ (ਮੁੰਸ਼ੀਆਂ) ਦੀ ਤਬਦੀਲੀ ਕੀਤੀ ਗਈ ਹੈ।ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਚੀਮਾ ਨੇ ਕਿਹਾ ਕਿ ਇਹ ਮੁੰਸ਼ੀ ਪਿਛਲੇ ਦੋ ਸਾਲਾਂ ਤੋਂ ਇਕੋ ਥਾਣੇ ‘ਚ ਤਾਇਨਾਤ ਸਨ। ਰਾਜ ਸਰਕਾਰ ਨੇ ਪਹਿਲਾਂ ਹੀ ਐਲਾਨ ਕੀਤਾ ਸੀ ਕਿ ਭ੍ਰਿਸ਼ਟਾਚਾਰ ਨੂੰ ਰੋਕਣ ਲਈ ਹਰ ਦੋ ਸਾਲਾਂ ਤੋਂ ਬਾਅਦ ਪੁਲਿਸ ਕਰਮਚਾਰੀਆਂ ਦੀ ਤਬਦੀਲੀ ਯਕੀਨੀ ਬਣਾਈ ਜਾਵੇਗੀ।

ਉਨ੍ਹਾਂ ਕਿਹਾ, “ਇਹ ਕਦਮ ਪੁਲਿਸ ਅਧਿਕਾਰੀਆਂ ਅਤੇ ਅਪਰਾਧੀਆਂ ਦੀ ਸਾਂਝ ਨੂੰ ਤੋੜਨ ਲਈ ਉਠਾਇਆ ਗਿਆ ਹੈ.” ਇਸ ਦੌਰਾਨ ਸੂਬਾ ਸਰਕਾਰ ਵਲੋ ਜਿਲਾ ਵਾਰ ਉਨਾਂ ਪੁਲਿਸ ਮੁਲਾਜਮਾਂ ਦੀ ਸੂਚੀ ਵੀ ਮੰਗੀ ਹੈ ਜੋ ਲੰਮੇ ਸਮੇ ਤੋ ਮਹਿਕਮੇ ਤੋ ਗੈਰਹਾਜਰ ਹਨ ਜਾਂ ਕਿਸੇ ਨਾ ਕਿਸੇ ਨਾ ਮਾਮਲੇ ‘ਚ ਫਸੇ ਹੋਏ ਹਨ ਅਤੇ ਸਰਕਾਰ ਤੇ ਮਹਿਕਮੇ ਦੇ ਅਕਸ਼ ਦੇ ਧੁੰਦਲਾ ਕਰ ਰਹੇ ਹਨ। ਅਜਿਹੇ ਦਾਗੀ ਸਾਰੇ ਪੁਲਿਸ ਮੁਲਾਜਮਾਂ ਨੂੰ ਸਰਕਾਰ ਵਲੋ ਪੱਕੇ ਤੌਰਤੇ ਘਰ ਤੌਰਿਆ ਜਾ ਰਿਹਾ ਹੈ। ਸਰਕਾਰ ਨੇ ਪੁਲਿਸ ਵਿਭਾਗ ਵਿੱਚ ਪਾਰਦਰਸ਼ਤਾ ਅਤੇ ਜਵਾਬਦੇਹੀ ਸੁਨਿਸ਼ਚਿਤ ਕਰਨ ਲਈ ਅਜਿਹੇ ਪ੍ਰਸ਼ਾਸਨਿਕ ਫੈਸਲੇ ਲਾਗੂ ਕਰਨ ਦੀ ਵਚਨਬੱਧਤਾ ਦੁਹਰਾਈ ਹੈ।ਖਬਰ ਨੂੰ ਵੱਧ ਤੋ ਵੱਧ ਅੱਗੇ ਸ਼ੇਅਰ ਕਰੋ-