ਸ੍ਰੀ ਗੁਰੂ ਤੇਗ ਬਹਾਦਰ ਕਾਲਜ ਸਠਿਆਲਾ ਵਿਖੇ ਨੁਕੜ ਨਾਟਕ ਦੀ ਕੀਤੀ ਗਈ ਪੇਸ਼ਕਾਰੀ

ਰਈਆ /ਬਲਵਿੰਦਰ ਸਿੰਘ ਸੰਧੂ ‌

ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਵੱਲੋਂ ਚਲਾਈ ਜਾ ਰਹੀ ਸੰਸਥਾ ਸ੍ਰੀ ਗੁਰੂ ਤੇਗ ਬਹਾਦਰ ਕਾਲਜ ਸਠਿਆਲਾ ਵਿਖੇ ਕਾਲਜ ਦੇ ਓਐਸਡੀ ਡਾ.ਤੇਜਿੰਦਰ ਕੌਰ ਸ਼ਾਹੀ ਦੀ ਰਹਿਨੁਮਾਈ ਹੇਠ ਕਾਲਜ ਦੇ ਟ੍ਰੇਨਿੰਗ ਅਤੇ ਪਲੇਸਮੈਂਟ ਸੈਲ ਦੇ ਮੁਖੀ ਪ੍ਰੋ.ਸਤਬੀਰ ਸਿੰਘ ਮੱਤੇਵਾਲ ਦੇ ਉਦਮ ਸਦਕਾ ਬਾਬਾ ਨਾਮਦੇਵ ਥੀਏਟਰ ਸੋਸਾਇਟੀ ਘੁਮਾਣ ਵੱਲੋਂ ਕਾਲਜ ਵਿਖੇ ਪਾਲੀ ਭੁਪਿੰਦਰ ਸਿੰਘ ਦੇ ਲਿਖੇ ਨਾਟਕ ਸਿਰਜਣਾ ਦੀ ਪੇਸ਼ਕਾਰੀ ਕੀਤੀ ਗਈ ਜਿਸ ਵਿੱਚ ਸ ਪ੍ਰਿਤਪਾਲ ਸਿੰਘ, ਰੁਦਰਾਜ ਗੁਪਤਾ ਅਤੇ ਅਰਪਨਜੋਤ ਕੌਰ ਵਲੋਂ ਅਦਾਕਾਰੀ ਕੀਤੀ ਗਈ ।

ਪ੍ਰਿਤਪਾਲ ਸਿੰਘ ਦੇ ਨਿਰਦੇਸ਼ਨ ਹੇਠ ਇਸ ਨਾਟਕ ਦੀ ਪੇਸ਼ਕਾਰੀ ਨਾਲ ਰੰਗਮੰਚ ਦੇ ਕਰਮੀਆਂ ਵੱਲੋਂ ” ਬੇਟਾ ਬੇਟੀ ਇਕ ਸਮਾਨ ਅਤੇ ਸਮਾਜ ਵਿੱਚ ਔਰਤਾਂ ਦੀ ਬੇਬਸੀ ਨੂੰ ਦਰਸਾਉਂਦੇ ਦ੍ਰਿਸ਼ ਪੇਸ਼ ਕੀਤੇ ਗਏ। ਇਸ ਮੌਕੇ ਕੰਪਿਊਟਰ ਵਿਭਾਗ ਦੇ ਮੁਖੀ ਪ੍ਰੋ ਸਤਬੀਰ ਸਿੰਘ ਮੱਤੇਵਾਲ ਨੇ ਪਹੁੰਚੇ ਰੰਗ ਕਰਮੀਆਂ ਦਾ ਸਵਾਗਤ ਕੀਤਾ ਤੇ ਵਿਦਿਆਰਥੀਆਂ ਨੂੰ ਉਹਨਾਂ ਦੀ ਸੰਸਥਾ ਨਾਲ ਜਾਣੂ ਕਰਵਾਇਆ ਅਤੇ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਆਲੇ ਦੁਆਲੇ ਹੋ ਰਹੀ ਲਿੰਗ ਅਸਮਾਨਤਾ ਖ਼ਿਲਾਫ਼ ਅਵਾਜ਼ ਉਠਾਉਣ ਅਤੇ ਬਰਾਬਰਤਾ ਦਾ ਨਾਅਰਾ ਦੇਣ। ਇਸ ਮੌਕੇ ਅੰਗਰੇਜ਼ੀ ਵਿਭਾਗ ਦੇ ਪ੍ਰੋ.ਅਰੁਣ ਗੁਸਾਈਂ ਵੱਲੋ ਆਏ ਹੋਏ ਮਹਿਮਾਨਾਂ, ਸਮੂਹ ਸਟਾਫ਼ ਅਤੇ ਵਿਦਿਆਰਥੀਆਂ ਦਾ ਧੰਨਵਾਦ ਕੀਤਾ ਗਿਆ।ਇਸ ਉਪਰੰਤ ਸਮੂਹ ਸਟਾਫ ਵੱਲੋਂ ਨੁੱਕੜ ਨਾਟਕ ਪੇਸ਼ ਕਰਨ ਵਾਲੇ ਕਲਾਕਾਰਾਂ ਨੂੰ ਸਨਮਾਨ ਚਿੰਨ ਦਿੱਤੇ ਗਏ। ਇਸ ਮੌਕੇ ਪ੍ਰੋ.ਸਤਬੀਰ ਸਿੰਘ, ਪ੍ਰੋ.ਅਮਨਦੀਪ ਸਿੰਘ, ਪ੍ਰੋ.ਅਰੁਣ ਗੁਸਾਈਂ, ਪ੍ਰੋ.ਕਰਮਬੀਰ ਸਿੰਘ, ਪ੍ਰੋ.ਗੌਰਵ,ਪ੍ਰੋ.ਹੀਰਾ ਲਾਲ, ਪ੍ਰੋ.ਰੋਹਿਤ ਗੁਪਤਾ,ਪ੍ਰੋ. ਜਸਵਿੰਦਰ ਕੌਰ, ਪ੍ਰੋ.ਹਰਪ੍ਰੀਤ ਕੌਰ, ਪ੍ਰੋ.ਵਨੀਤ ਕੌਰ, ਪ੍ਰੋ. ਜੈਸਮੀਨ, ਪ੍ਰੋ. ਪਲਵਿੰਦਰ ਕੌਰ, ਪ੍ਰੋ. ਮਨੂੰ ਬਾਲਾ, ਪ੍ਰੋ.ਰਾਜਨ ਬੇਦੀ, ਪ੍ਰੋ.ਸੁਪਰੀਤ ਕੌਰ ਅਤੇ ਦਫ਼ਤਰੀ ਸਟਾਫ਼ ਵਿੱਚੋ ਹੇਮੰਤ ਕੁਮਾਰ ਹਾਜਰ ਸਨ।ਖਬਰ ਨੂੰ ਵੱਧ ਤੋ ਵੱਧ ਅੱਗੇ ਸ਼ੇਅਰ ਕਰੋ-