ਅੰਮ੍ਰਿਤਸਰ ਦੇ ਸਿੱਖਿਆ ਵਿਭਾਗ ‘ਚ ਲੱਖਾਂ ਰੁਪਏ ਦਾ ਵਿੱਤੀ ਗਬਨ ਕਰਨ ਵਾਲੇ ਬਲਾਕ ਸਿੱਖਿਆ ਅਧਿਕਾਰੀ ਪਾਸ ਸਨ ਅੱਧੀ ਦਰਜਨ ਬਲਾਕਾਂ ਦੀਆਂ ਡੀ.ਡੀ ਪਾਵਰਾਂ-ਜਾਂਚ ਦੌਰਾਨ ਹੋਇਆ ਖੁਲਾਸਾ

ਅੰਮ੍ਰਿਤਸਰ /ਬਾਰਡਰ ਨਿਊਜ ਸਰਵਿਸ

ਅੰਮ੍ਰਿਤਸਰ ਦੇ  ਸਿੱਖਿਆ  ਵਿਭਾਗ ਵੱਲੋਂ ਕਥਿਤ ਵਿੱਤੀ ਗਬਨ ਅਤੇ ਤਨਖ਼ਾਹ, ਭਵਿੱਖ ਨਿਧੀ  ਅਤੇ ਛੁੱਟੀ ਦੇ ਬਦਲੇ ਨਕਦੀਕਰਨ (ਲੀਵ ਇਨਕੈਸ਼ਮੈਂਟ) ਦੇ ਬਿੱਲਾਂ ਵਿੱਚ ਅਨਿਯਮਿਤਤਾਵਾਂ ਦੀ ਜਾਂਚ ਦੌਰਾਨ ਸਾਹਮਣੇ ਆਇਆ ਹੈ ਕਿ ਯਸ਼ਪਾਲ ਨੇ ਮਜੀਠਾ-1, ਮਜੀਠਾ-2, ਰਈਆ-1, ਰਈਆ-2 ਅਤੇ ਅੰਮ੍ਰਿਤਸਰ-4 ਬਲਾਕਾਂ ਦੇ ਡਰਾਇੰਗ ਅਤੇ ਡਿਸਬਰਸਿੰਗ ਅਫ਼ਸਰ (DDO) ਵਜੋਂ ਸੇਵਾ ਨਿਭਾਈ ਸੀ ।

ਵਿਭਾਗੀ ਸਰੋਤਾਂ ਨੇ ਦੱਸਿਆ ਕਿ ਸਕੂਲ ਵਰਦੀਆਂ ਦੀ ਖਰੀਦ ਲਈ ਅਲਾਟ ਕੀਤੀ ਗ੍ਰਾਂਟ ਦੇ ਕਥਿਤ ਗਬਨ ਦੇ ਸਬੰਧ ਵਿੱਚ ਉਨ੍ਹਾਂ ਨੂੰ 2023 ਵਿੱਚ ਵੀ ਮੁਅੱਤਲ ਕੀਤਾ ਗਿਆ ਸੀ, ਪਰ ਬਾਅਦ ਵਿੱਚ ਉਹ ਬਹਾਲ ਹੋ ਗਏ ਸਨ।

ਬਲਾਕ ਸਿੱਖਿਆ ਅਧਿਕਾਰੀ  ਯਸ਼ਪਾਲ ਸਮੇਤ ਸੁਖਦੇਵ ਸਿੰਘ (ਕਲਰਕ – ਮਜੀਠਾ), ਗੁਰਬਿੰਦਰ ਸਿੰਘ (ਕਲਰਕ – ਮਜੀਠਾ),  ਗੁਰਸੇਵਕ ਸਿੰਘ (ਕਲਰਕ – ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਦਫ਼ਤਰ) ਵਿਰੁੱਧ ਥਾਣਾਂ ਸਿਵਲ ਲਾਾਈਨ ਅੰਮ੍ਰਿਤਸਰ ਵਿਖੇ ਭਾਰਤੀ ਨਿਆਏ ਸੰਹਿਤਾ (BNS) ਦੀਆਂ ਧਾਰਾਵਾਂ 316(5), 318(4) ਅਤੇ 61(2) ਤਹਿਤ ਮਾਮਲਾ ਦਰਜ ਹੋਣ ਤੋ ਬਾਅਦ ਪੁਲਿਸ ਜਾਂਚ ਦੌਰਾਨ ਇਹ ਕੜੀਆਂ ਜੋੜ ਰਹੀ ਹੈ ਕਿ ਇਸ ਘਪਲੇ ਦੀਆਂ ਤਾਰਾਂ ਕਿਥੇ ਕਿਥੇ ਜੁੜੀਆਂ ਹੋਈਆ ਹਨ। ਖਬਰ ਨੂੰ ਵੱਧ ਤੋ ਵੱਧ ਅੱਗੇ ਸ਼ੇਅਰ ਕਰੋ-